Angelina Jolie vakti athygli fyrir glæsileika í Dior-kjól á frumsýningu myndarinnar First They Killed My Father í New York.
Þrátt fyrir að leikkonan hafi skartað fallegum skartgripum má segja að tattúin hennar hafi stolið senunni. Kjóllinn sem var ermalaus og opinn í bakið sýndi tattúin hennar vel og segja má að þau hafi borið af af þeim fylgihlutum sem hún skartaði, það er að segja ef kalla má tattú fylgihlut.
Jolie er með fjöldann allan af tattúum og hafa þau öll sérstaka merkingu. „Know Your Rights“ stendur efst á baki hennar en það er titill á lagi með uppáhaldshljómsveitinni hennar, The Clash. Hún fékk sér einnig tattú á bakið rétt fyrir skilnað sinn og Brad Pitt sem átti að hafa táknræna merkingu fyrir hjónaband þeirra.