Karen Karapetyn, sonur rússneska milljarðamæringsins Samvels Karapetyans, gekk nýlega að eiga samfélagsmiðlastjörnuna Lilt. Eins og við er að búast þegar forríkur maður giftist konu sem hugsar um að allt líti vel á myndum voru fötin og skreytingarnar eins og úr bíómynd.
Hjónin giftu sig í Moskvu og var brúðurin að sjálfsögðu í demantsprýddum brúðarkjól. Þó svo að kirkjan hafi verið vel skreytt blómum má segja að kirkjuskreytingarnar hafi ekki haft roð við skreytingunum í veislunni.
Þúsundir blóma voru í veislusalnum; ekki aðeins á borðum og á veggjum heldur var loftið allt blómum skreytt. Það er nokkuð ljóst að Karapetyn-hjónin nýbökuðu eru ekki með látlausan smekk.