Kommaskyrta og húðlitaðar sokkabuxur
Setja bókamerki
Leiðtogar stjórnmálaflokkanna keppast nú við að koma vel fyrir svo sem flestir kjósi þá. Eins og sagt er þá skapa fötin manninn og þar sem nú er kosið um menn ekki síður en málefni rýndi Smartland í fataval leiðtoganna sem tóku þátt í fyrstu leiðtogaumræðunum á RÚV í gær, sunnudag.
Bjarni Benediktsson
Bjarni mætti í svörtum jakkafötum sem vissulega tákna íhaldssemi. Bjarni tekur enga óþarfa áhættu í fatavalinu heldur kemur fram í fötum sem fólk er vant rétt eins og fólk er vant því að Sjálfstæðisflokkurinn sé í stjórn.
Guðmundur Þorleifsson
Það fór lítið fyrir Guðmundi í þættinum og gleymdu spyrlarnir honum til að mynda. Fatnaðurinn hefur þar ekki hjálpað til enda lítið að frétta í þeim efnum.
Hanna Katrín Friðriksson
Hanna Katrín var smekklega klædd þó svo blaðamaður sé ekki viss um hvað medalían sem hún bar hafi átt að tákna en það er ólíklegt að Viðreisn vinni einhvern kosningasigur.
Inga Sæland
Inga mætti í silfruðum bol en metal-litir hafa verið vinsælir síðustu misseri. Við silfraða bolinn var hún svartri opinni peysu en slíka peysu eiga flestar konur inni í skáp. Inga er alþýðukona og vill eflaust höfða til alþýðunnar.
Katrín Jakobsdóttir
Klassískur og stelpulegur kjóll Katrínar ýtir undir sakleysislega ímynd hennar. Grænu doppurnar á kjólnum eru táknrænar fyrir umhverfisstefnu flokksins. Athygli vakti að Katrín var í húðlituðum nælonsokkabuxum en tískuþenkjandi halda því fram að þær séu aftur orðnar smart.
Logi Már Einarsson
Logi var hæfilega afslappaður og fær skyrtan ágætiseinkunn. Logi er menntaður arkitekt og hefur því líklega næmt auga fyrri hinu sjónræna sem skilar sér í fatastílnum.
Óttarr Proppé
Óttarr fer ekki langt án rúllukragans og það gerði hann ekki þetta kvöld. Björt framtíð kom inn í stjórnmálin sem ferskur andblær líkt og fatastíll Óttars en nú virðist vera komin einhver þreyta bæði í stílinn og flokkinn.
Pálmey Gísladóttir
Pálmey býður sig fram fyrir Dögun, lítinn flokk sem þarf á allri athygli að halda. Grái liturinn var síst til þess að vekja þá athygli.
Sigmundur Davíð Gunnlaugsson
Sigmundur er greinilega búinn að skipta um flokk, hann er búinn að skipta út græna bindinu fyrir blátt. Sigmundur er þrátt fyrir allt þekktur húmoristi og hefði verið gaman að sjá hann með fallegt hestabindi í anda flokksmerkisins.
Sigurður Ingi Jóhannsson
Sigurður Ingi lét einnig græna bindið vera en var í stað þess með þjóðlegt bindi; blátt og hvítt, í anda stefnu Framsóknarflokksins.
Þorvaldur Þorvaldsson
Þorvaldur býður sig fram fyrir Alþýðufylkinguna og hefur því verið fleygt að flokkurinn sé kommúnistaflokkur. Rauða skyrtan hrakti að minnsta kosti ekki þær kenningar.
Þórhildur Sunna Ævarsdóttir
Þórhildur Sunna var ansi settlega klædd miðað við aldur en hún er þrítug og yngsti stjórnmálamaðurinn sem tók þátt í umræðunum. Hárgreiðslan sem hún skartaði var einnig gamaldags, mögulega of stíft útlit fyrir þau stjórnmál sem hún talar fyrir.
Danir í áfalli yfir brunanum
Íslenska ríkið dæmt brotlegt
„Eins og ef Alþingishúsið brynni hér“
„Við eigum hvergi heimili“
50% fjölgun kærumála og aukið álag
Vorum kannski ekki bara „hrópandi í eyðimörkinni“
Forsetafylgismenn dregnir í dilka
Boðar 17 milljarða hagræðingu á næsta ári
Spurt og svarað
húðlæknir á Húðlæknastöðinni svarar spurningum lesenda
sálfræðingur á Sálfræðistofunni Sálarlíf svarar spurningum lesenda
einstaklings- og fjölskylduráðgjafi svarar spurningum lesenda
Klínískur félagsráðgjafi hjá Lausninni
hjúkrunar- og kynfræðingur svarar spurningum lesenda
svarar spurningum um lögfræðileg mál