Forsetafrú Bandaríkjanna, Melania Trump, gaf kjól úr sinni eigu á National Museum of American History. Forsetafrúin klæddist kjólnum á Frelsisdansleiknum sem haldinn var eftir innsetningu Donalds Trumps. Hefð er fyrir því að forsetafrúin gefi kjólinn sem hún klæðist á þessum viðburði.
Kjóllinn sem um ræðir er glæsilegur hvítur síðkjóll sem hannaður var af fatahönnuðinum Havé Pierre. Pierra var viðstaddur þegar frú Trump gaf kjólinn. Það vakti hinsvegar athygli að Melania Trump var klædd í kjól frá Dolce & Gabbana í stað þess að klæðast hönnun Pierre.
Pierra var að vonum upp með sér enda kjólasafnið vinsælt. Í Vogue talar hann vel um samstarfið við Melaniu Trump. „Ég skildi hvað hún hafði í huga, ferlið var einfalt af því að forsetafrúin þekkir tísku,“ sagði Peirre en hún starfaði sem fyrirsæta þegar hún kynntist Donald Trump.