Gallabuxur aldrei verið jafn efnislitlar

Rifnar gallabuxur dúkka alltaf upp og hafa verið vinsælar að undanförnu. Það er þó óhætt að fullyrða að sjaldan hefur vantað jafn stór stykki á gallabuxur og þær buxur sem japanska fatamerkið Thibaut sýndi á tískuvikunni í Tókýó á dögunum.  

Það þarf ekki mikið til að gallabuxurnar detti í sundur enda er þunn efnisræma sem heldur þeim saman. Segja má að þetta séu hálfgerðar g-strengs gallabuxur þar sem að gallaefnið nær ekki einu sinni yfir allan rassinn. Það er því örugglega gott ráð að vanda nærbuxnavalið áður en farið er í buxurnar. 

Það borgar sig að muna eftir nærbuxum í þessum gallabuxum. skjáskot/Instagram

Hér var verið að spara efnið. skjáskot/Instagram

• Blogga um frétt