Með tilkomu myndavélasíma er maður í sífelldri hættu á að lenda fyrir framan myndavél og myndir af manni geta birst hvar og hvenær sem er á samfélagsmiðlum. Who What Were fór yfir hvað ber að hafa í huga ef maður vill líta sem best út á myndunum.
1. Þekktu „góðu hliðina“
Margir eru meðvitaðir um hvaða hlið andlitsins myndast best. Samvæmt vísindalegri rannsókn er vinstri hliðin alla jafna „góða hliðin“. Ef manni er mikið í mun að myndast vel er ekki slæm hugmynd að æfa sig fyrir framan spegil.
2. Hugsaðu um hvar þú stendur
Ekki er mælt með því að fólk standi mjög nálægt myndavélinni því þannig lítur maður út fyrir að vera stærri. Frekar er mælt með því að fólk staðsetji sig í línu með öðru fólki ef annað fólk er á myndinni.
3. Rétta sjónarhornið
Það virkar vel fyrir marga að myndavélin sé staðsett lágt þannig að líkaminn virðist vera lengri og grennri á myndinni.
4. Hallaðu aðeins
Ekki er mælt með því að andlitið vísi beint að myndavélinni. Gott ráð er að halla höfðinu aðeins.
5. Gefðu ljósmyndaranum leiðbeiningar
Ef þú situr getur verið gott ráð að biðja þann sem tekur myndina að taka myndina ofan frá. Hallaðu síðan andlitinu þannig það vísi upp að myndavélinni.
6. Klipptu myndina rétt
Ef þú er sá sem setur myndina á netið getur þú klippt myndina þannig til að líkaminn fylli út í myndina, það blekkir augað.
7. Slakaðu á
Það er mælt með því að fólk slaki á þegar myndir eru teknar af því. Áður en myndin er tekin er hægt að loka augunum, anda djúpt, opna augun og brosa.
8. Settu tunguna fyrir aftan tennurnar
Til þess að ná góðu myndavélabrosi er gott ráð að festa tunguna á bak við tennurnar. Svo er bara að muna að brosa með augunum líka.
9. Reyndu að forðast rauð augu
Að líta í ljós rétt áður en mynd er tekin gerir það að verkum að ljósopin dragast saman og hjálpar til að minnka líkur á rauðum augum.
10. Leyniorð
Það er gott að eiga sér orð eins og sís sem hjálpar manni að ná fram einlægu brosi.