Ef það er eitthvað sem einkennir fatastíl Jennifer Lopez þá eru það flíkur sem ná upp í háls. Söngkonan er hrifin af rúllukraganum þrátt fyrir að hún eigi eitt eftirminnilegasta og flegnasta dress allra tíma.
Græni kjóllinn sem Jennifer Lopez klæddist á Grammy-verlaunahátíðinni árið 2000 var svo fleginn það sást niður fyrir nafla söngkonunnar. Þrátt fyrir fyrir að sýna smá hold endrum og eins klæðist hún reglulega flíkum sem ná upp í háls.
Hún skartar oft glæsikjólum sem ná upp í háls líkt og hún gerði á Met Gala í vor. Stundum hylja kjólarnir allt hold og líkjast venjulegum rúllukragaflíkum en stundum fer hún óvenjulegar leiðir. Á Grammy-verðlaunahátíðinni í ár klæddist hún kjól frá Ralph & Russo sem var vissulega fleginn en lokaði þó fyrir hálsinn.
Lopez er frá New York og þekkir því kuldann vel. Hún klæðist því gjarnan þykkum rúllukragapeysum og bolum á veturna. Svo lengi sem peysurnar ná upp í háls er í lagi að þær nái bara niður á nafla, séu ermalausir eða opnir á öxlunum.
Næstu mánuðir verða líklega kaldir á Íslandi og því ekki svo slæm hugmynd að taka sér Lopez til fyrirmyndar og skella sér í rúllukragaflíkur.