Fötin sem koma þér á stefnumót

Það er ráðlegt að klæðast rauðum fötum ef markmiðið er að fanga athygli tilvonandi elskhuga.  Women's Health greindi frá Hayley Quinn sem gerði litla tilraun á rauða litnum en rannsóknir benda til þess að liturinn geri sitt gagn. 

Quinn gekk um London í rauðri kápu og upplifði það að þónokkrir menn byrjuðu að tala við hana. Hún segist vera í áfalli yfir hversu mörg hrós hún fékk frá ókunnugum þar sem nokkrir báðu um númerið hennar. Hún telur að þetta stafi af því að maður sker sig úr fjöldanum þegar maður klæðist rauðu. 

Hún prófaði þetta reyndar á netinu líka. Hún bjó til tvenns konar aðgang fyrir sig fyrir mismunandi stefnumótasmáforrit. Henni gekk mun betur í því forriti þar sem hún var klædd í rautt á forsíðumyndinni. 

Í rannsókn á gagnkynhneigðu fólki kom í ljós að konur klæddar rauðu voru taldar meira aðlaðandi. Meira segja konur sem héldu á rauðum hlut þóttu meira aðlaðandi en þær sem héldu á hlutum í öðrum litum.

Nicole Kidman í fallegum rauðum kjól. mbl.is/AFP

• Blogga um frétt