Klæðist Goat eftir að kúlan fór að stækka

Katrín hertogaynja í kápu frá Goat.
Katrín hertogaynja í kápu frá Goat. mbl.is/AFP

Katrín hertogaynja er komin með litla og netta óléttukúlu og eru því ekki hvaða föt sem er sem henta þessar vikurnar. Í nóvember hefur hún verið dugleg að klæðast fötum frá breska merkinu Goat

Goat er ekki sérstakt meðgöngumerki en fötin henta þó konum eins og Katrínu enda afar einföld og klassísk í sniðinu. Jane Lewis hönnuður Goat er hrifin af góðum kápum og því kannski ekki skrítið að Katrín sækist einmitt eftir kápunum hennar. 

Katrín í svartri kápu frá Goat ásamt eiginmanni sínum, Vilhjálmi …
Katrín í svartri kápu frá Goat ásamt eiginmanni sínum, Vilhjálmi Bretaprins. mbl.is/AFP

Í vikunni klæddist Katrín svartri kápu frá Goat Fashion sem hún klæddist einnig í New York árið 2014 þegar hún var einmitt ólétt af Karlottu prinsessu. 

Katrín klæddist síðan ljósri kápu frá merkinu um miðjan mánuðinn sem hún er búin að eiga í að minnsta kosti fjögur ár. Kápan er hins vegar tímalaus og passar því enn vel í fataskáp hertogaynjunnar og er enn þá til sölu hjá Goat. 

Ljósu kápuna er Katrín búin að eiga í nokkur ár.
Ljósu kápuna er Katrín búin að eiga í nokkur ár. mbl.is/AFP

Þann 8. nóvember klæddist Katrín síðan rauðum kjól frá merkinu en hún hefur ekki sést áður í kjólnum. Kjóllinn er ekki ósvipaður kápunum tveimur, tímalaus og fágaður. 

Fleiri þekktar konur hafa fallið fyrir tímalausu hönnun Lewis fyrir Goat en þær Victoria Beckham og leikkonurnar Keira Knightley og Sienna Miller hafa allar sést í fötum frá Goat.  

Katrín í vínrauðum kjól frá Goat.
Katrín í vínrauðum kjól frá Goat. mbl.is/AFP
mbl.is
Fleira áhugavert
Fleira áhugavert

Spurt og svarað

húðlæknir á Húðlæknastöðinni svarar spurningum lesenda

sálfræðingur á Sálfræðistofunni Sálarlíf svarar spurningum lesenda

einstaklings- og fjölskylduráðgjafi svarar spurningum lesenda

Klínískur félagsráðgjafi hjá Lausninni

hjúkrunar- og kynfræðingur svarar spurningum lesenda

svarar spurningum um lögfræðileg mál