Franska verslunin Colette í París lokar endanlega dyrum sínum í lok desember eftir 20 ár. Búðin sem selur vörur frá þekktum merkjum fékk franska tískuhúsið Saint Laurent til þess að hanna fyrir sig línu vegna lokunarinnar. Í línunni má meðal annars finna einstaka hjólaskauta.
Samkvæmt Elle mun Saint Laurent einmitt taka við húsinu sem Colette er í og því afar viðeigandi að þeir hanni hátíðarlínuna. Hlutirnir í línunni eru allt frá því að vera stuttermabolir og veski yfir í hjólabretti, vespur, kveikjara auk hjólaskautanna umtöluðu.
Hjólaskautarnir sem einnig fást í svörtu kosta tæpar 2.000 evrur eða tæpar 250 þúsund íslenskar krónur. Hjólaskautarnir ættu að passa hvaða tískudívu sem er.