Fötin tær snilld eða ótrúlega ljót?

Grammy-tónlistarverðlaunin voru veitt við hátíðlega athöfn í gærkvöldi í Los Angeles. Lítið var um fágaðan og klassískan klæðnað og kepptu stjörnurnar um að vekja athygli með óvenjulegum klæðaburði. Áberandi litir sem og afgerandi form stálu athyglinni á rauða dreglinum. 

Rappkonan Cardi B mætti líklega í óþægilegasta en um leið athyglisverðasta kjól kvöldsins en kjóllinn er úr haustlínu Theirry Mugler frá árinu 1995. Minnti hönnunin á perluskel en Cardi B var skreytt perlum og pilsið líktist einna helst skel. 

Raunveruleikastjarnan og snyrtivörumógúllinn, Kylie Jenner, kom einnig á óvart í ljósbleikum samfesting frá Balmain. Stjarnan er vön að sýna smá hold en huldi meira að segja hendur sínar þar sem hanskar fylgdu fötunum sem sýnd voru á hátískuvikunni í París fyrir aðeins nokkrum vikum.