Skotheldur farði fyrir þær sem vilja geisla
Ef þú vilt hafa létta áferð á húðinni og ekki líta út fyrir að vera með farða, en vera samt svaka sæt, þá er þessi málið. Farðinn Lingerie de Peau frá Guerlain inniheldur bæði farða í föstu formi og hyljara sem er örlítið ljósari en farðinn sjálfur.
Auðvelt er að bera farðann á sig. Með fylgir svampur en það er líka ferlega gott að nota meikbursta og bera farðann á með honum. Þegar hyljarinn er settur á má nota lítinn hyljarabursta eða bara puttana.
Þetta farða-kitt hentar sérstaklega vel fyrir konur sem nenna ekki að líta í spegil mörgum sinnum á dag. Farðinn endist lengi og ef þú berð hann á á morgnana ertu góð allan daginn. En fyrir þær sem vilja hafa farðann alltaf meðferðis þá kemur hann í hentugum umbúðum og passar vel í veski.
Til þess að fullkomna útlitið er frábært að setja örlítið Reflex Cover frá Make Up Store yfir baugana og niður á kinnar, ekki samt þannig að það komi skil og örlítið steinefnapúður frá Make Up Store yfir. Þá færðu þennan ljóma í húðina sem er svo eftirsóknarverður og öll þreytumerki eru á bak og burt.
