20 best vöxnu konur heims
Bergljót Friðriksdóttir beggo@mbl.isMargar eftirminnilega ofurfyrirsætur skutust upp á stjörnuhimininn á tíunda áratugnum og sitja sumar þeirra enn fyrir á tískuljósmyndum, glæsilegar sem aldrei fyrr. Á vef MSN eru valdar úr hópnum 18 ofurfyrirsætur þessa tímabils með flottasta líkamann.
Cindy Crawford
Hin bandaríska Crawford er þekkt fyrir fæðingarblettinn fyrir ofan munninn og sló í gegn í ógleymanlegri Pepsi-auglýsingu. Hún giftist leikaranum Richard Gere, varð andlit Revlon og sat fyrir nakin.
Christy Turlington
Hún skar sig úr því hún reykti og lét gera göt á líkama sinn með þeim afleiðingum að ungar stúlku fengu æði fyrir líkamsskreytingum. Hún var andlit Chanel svo og Calvins Kleins og auglýsti undirfatnað hans í áratug.
Elle Macpherson
Ástralska fegurðardísin sat oft fyrir í baðfötum á forsíðu tímaritsins Sports Illustrated og birtist nakin í Playboy 1994. Hún hefur leikið í nokkrum kvikmyndum, er með eigin rekstur og auglýsir sjálf snyrtivöru- og undirfatalínu sína.
Linda Evangelista
Evangelista er fædd í Kanada og varð fræg sem andlit snyrtivörurisanna Estee Lauder, Ralph Lauren og Christian Dior. Hún gengur undir nafninu kamelljónið því hún á auðvelt með að breyta útliti sínu og skiptir reglulega um hárlit.
Kate Moss
Vandræðagemsinn Moss frá Englandi átti í ástarsambandi við Johnny Depp og birtist grindhoruð í auglýsingaherferð Calvins Kleins sem gekk undir nafninu Heroin Kids. Hún hefur verið dugleg að stunda skemmtanalífið og oft ratað á síður slúðurblaða af þeim sökum.
Naomi Campbell
Campell þykir skapstór með eindæmum og hefur oft komið sér í vandræði af þeim sökum. Hún hefur átt í ástarsamböndum við margar stórstjörnur, þar með talið Robert De Niro og Adam Clayton úr hljómsveitinni U2.
Franska fyrirsætan Laetitia Casta er lágvaxnari en hinar ofurfyrirsæturnar en glæsileg engu að síður. Hún hefur setið fyrir á forsíðum ríflega 100 tímarita og meðal annars tekið þátt í auglýsingaherferðum fyrir Guess og Tommy Hilfiger.
Rebecca Romjin
Leikkonan Rebecca Romijn er ættuð frá Kaliforníu. Hún er fyrst og fremst fræg fyrir hlutverk sín í X-Men og Ugly Betty en fyrr á árum sat hún oft fyrir á forsíðu tímaritsins Sports Illustrated.
Karen Mulder
Mulder er fædd í Hollandi og varð snemma eftirsótt fyrirsæta. Hún sat oft fyrir í tímaritinu Sports Illustrated og sýndi undirföt frá Victoria's Secret.
Þýska fyrirsætan sem skildi nýlega við Seal sat fyrir í öllum helstu tímaritum heims, sýndi fyrir Vicctoria´s Secret og hefur komið lítillega að kvikmyndaleik.
Tyra Banks
Banks hefur mikið látið að sér kveða í sjónvarpi og sinnir eigin fyrirtækjarekstri. Hún er heilinn á bak við þáttinn America's Next Top Model og stýrir eigin spjallþætti, The Tyra Banks Show.
Gisele Bündchen
Bündchen er frá Brasilílu. Hún byrjaði að sitja fyrir á tískuljósmyndum þegar hún var 13 ára gömul en hefur fengist við leiklist meðfram sýningarstörfunum. Hún er fræg fyrir langa leggi sína og er talin 16. ríkasta kona heims innan skemmtanaiðnaðarins.
Miller er frá Bandaríkjunum og er þekktust fyrir að birtast í Sports Illustrated og sýna fyrir Victoria's Secret. Hún hefur unnið mikið með ljósmyndaranum Mario Testino, meðal annars fyrir Vogue.
Adriana Lima
Lima er frá Brasilíu og var talskona snyrtivöruframleiðandans Maybelline 2003 til 2009. Hún er talin þekktasta brasilíska fyrirsætan eftir að hún tók við af Heidi Klum sem yfirengill Victoria's Secret.
Alessandra Ambrosio
Hin brasilíska Ambrosio er ein af englum Victoria's Secret. Hún lætur sig velferðarmál miklu varða og hefur látið að sér kveða í tengslum við kynningar og fræðslu á MS-sjúkdómnum.
Karolina Kurkova
Kurkova er frá Tékklandi og hefur komið fram í nokkrum kvikmyndum. Hún var áður ein af englum Victoria's Secret.
Miranda Kerr
Hins ástralska Kerr byrjaði að vinna sem fyrirsæta þegar hún var 13 ára gömul. Hún er nú gift leikaranum Orlando Bloom.
Candice Swanepoel
Swanepoel er frá Suður-Afríku og er nýtt andlit undirfatalínu Victoria's Secret. Auk þess situr hún reglulega fyrir á auglýsingum fyrir fyrirtæki á borð við Nike, Diesel og Guess.
