Þjáist af aldursþráhyggju
Það virðist vera erfiðara að eldast í Hollywood en á öðrum stöðum í heiminum. Þokkadísin Demi Moore hefur alltaf þótt með þeim fegurri en í seinni tíð virðist aldursþráhyggja herja á hana.
Moore, sem er 49 ára, var útskrifuð af spítala í vikunni en hún þurfti meðferð vegna ofþreytu. Einhverjar sögusagnir hafa líka verið í gangi þess efnis að hún þjáist af lystarstoli.
Heimildarmaður sagði í samtali við vefmiðilinn RadarOnline að Moore væri með æskuþráhyggju.
„Það er ekkert leyndarmál að Moore hefur barist við aldursþráhyggju. Hún er stórglæsileg og ætti ekki að hræðast hækkandi aldur.“
Það virðist ekki hafa hjálpað Moore að eiga mun yngri eiginmann og eftir að hún skildi við hinn 33 ára gamla Ashton Kutcher hefur hún ekki átt sjö dagana sæla.
