Dianna Agron með fléttað hár. mbl.is/Cover Media

Tískuspekingar um heim allan fylgjast grannt með stórstjörnunum í Hollywood nú þegar tími kvikmyndaverðlaunahátíðanna er runninn upp.

Á rauða dreglinum eru lagðar línurnar, bæði í fata- og hártísku, og þær listakonur sem þangað komast eru jafnan fyrirmynd annarra á sviði tískunnar.

Hárflétta, vafin um höfuðið í anda miðalda, hefur verið áberandi að þessu sinni og er óhætt að mæla með þessari nýju hártísku í vor og sumar.