Splunkunýr maskari frá Dior svínvirkar
Það er mikilvægt að eiga góðan maskara. New Look-maskarinn frá Christian Dior uppfyllir kröfurnar um hinn fullkomna maskara. Maskarinn heitir Diorshow og var innblástur hans sóttur í New Look-línuna sem kom hönnuðinum á kortið árið 1947. Sú tískulína þótti tímamótaverk og því ekki skrýtið að hönnuðir Dior skuli sækja í þessa tískulínu.
Burstinn á maskaranum er mjög smár sem gerir að verkum að það er nánast hægt að maskara hvert einasta augnhár án þess að klessa þau of mikið saman. Maskarinn lengir og þéttir augnhárin á glæsilegan hátt.
Í vortískunni er mikið gert úr augunum og ef konur eiga góðan maskara er oft nóg að setja bara örlítinn blýant í kringum augun. Auk þess er mikil eye-liner-tíska og þá verða augnhárin að vera vel masköruð.
Natalie Portman er andlit New Look-maskarans frá Dior.
