Sólarleysið í höfuðborginni hefur verið að gera út af við ákveðinn hóp af borgarbúum. Þessi sami hópur ætti að geta brosað hringinn núna og „tanað“ sig fyrir allan peninginn. Á dögum sem þessum er mikilvægt að muna eftir sólarvörninni og gæta þess að hugsa vel um húðina. Sólin er lúmsk og ef við brennum eða notum ekki sólarvörn verðum við gamlar fyrir aldur fram. Þær sem elska að grilla sig svolítið í góða veðrinu ættu því að passa vel upp á að vera með sólarvarnir við höndina.
Á dögunum fór ég í frí á suðrænar slóðir, sem er nú ekki frásögu færandi þannig séð, nema fyrir þær sakir að ég þurfti að maka á mig sólarvörn fyrir allan peninginn svo húðin myndi losna frá beinunum. Í þessari ferð minni komst ég að því að það dugar ekkert minna en 30 SPF og á tímabili var ég farin að nota 50 SPF. Þessi ofnotkun á sólarvörn kom ekki í veg fyrir að húðin tæki lit.