Markaðsrannsóknafyrirtækið Mintel greindi nýverið frá því að sala á varalitum hefur aukist til muna á seinasta ári. Samkvæmt upplýsingum frá Mintel nær varalitasalan hámarki í desember en rauður litur virðist vera vinsælastur.
Að sögn talsmanns snyrtivörusviðs Giorgio Armani hefur sala á rauðleitum varalitum tvöfaldast í Bretlandi desember. „Bretar láta sig dreyma um rauð jól,“ sagði í tilkynningu frá fyrirtækinu.
En fer rauður varalitur öllum? Förðunarfræðingurinn Lisa Eldridge segir „já!“. Rauður varalitur getur farið öllum vel að sögn Lisu en hún segir nauðsynlegt að allir finni þann lit sem fer þeim best. Lisa mælir með að nota varalitapensil þegar áberandi varalitur er borinn á varirnar því þannig endist hann mun lengur. Lisa lumar á ótal góðum ráðum hvað varðar rauðan varalit, hún deilir þeim með okkur í þessu myndbandi.