Þórdís Kjartansdóttir lýtalæknir á Dea Medica svarar spurningum lesenda Smartlands Mörtu Maríu. Hér fær hún spurningu frá konu:
Sæl Þórdís,
Ég er sverari um annað lærið, það munar það alveg nokkrum sentimetrum. Þetta er orðið óþægilegt þegar ég er í buxum. Hvað er hægt að gera?
Sæl og takk fyrir spurninguna,
Það fer allt eftir því hvort munurinn liggur í fitusöfnun í lærinu eða hvort þú ert sverari vegna fyrirferðamikilla vöðva! Ef þetta er fitusöfnun gæti fitusog lagað þetta og jafnað út muninn á milli læranna. Ef munurinn liggur í vöðvum þá þarftu að fá hjálp sjúkraþjálfara eða þjálfara á líkamsrætarstöðvunum og þjálfa fæturnar með æfingum og lóðum. Þú finnur hvort um er að ræða með því að spenna vöðvana og klípa í lærin. Þú getur pantað þér tíma á stofu hjá lýtalækni ef þú ert í vafa.
Bestu kveðjur og gangi þér vel,
Þórdís Kjartansdóttir lýtalæknir.
Liggur þér eitthvað á hjarta? Þú getur sent Þórdísi spurningu HÉR.