Sjaldan litið eins vel út vegna augnabrúnanna

„Ein af mínum bestu vinkonum sagði nýlega að ég hafi sjaldan litið eins vel út og ég geri núna. Hún sagði að það væri vegna augnabrúnana minna. Ég birti mynd af mér á Facebook og hún sendi mér skilaboðin: „ég get loksins séð augnabrúnirnar þínar“. Ég er sammála henni, flottar augnabrúnir ramma vissulega andlitið inn,“ skrifar lífstílsbloggarinn Sacha Devoretz í pistil sinn um augnabrúnatísku.

Devoretz ráðfærði sig við snyrtifræðinginn Kiran Darred sem sérhæfir sig í „threading“ á augabrúnum en þá eru augnabrúnirnar mótaðar með þráð.

Darred sagði að þykkar augnabrúnir kæmu sterkar inn á árinu 2015.

Darred mælir ekki með að plokka augabrúnirnar heima. „Leitaðu til sérfræðings til að kalla fram það form sem þú villt.  Berðu svo nokkra dropa af kókosolíu eða E-vítamín olíu á augabrúnirnar á kvöldin áður en þú ferð að sofa. Olían ýtir undir hárvöxt.“

Þá mælir Darred einnig gegn því að vaxa augabrúnirnar. „Það getur verið erfitt að móta augabrúnirnar með vaxi. Vaxið getur líka fjarlægt náttúrulegar olíur úr húðinni sem er ekki gott,“ útskýrði Darred.

Það er mælt með að bera kókosolíu á augnabrúnirnar á kvöldin því olían ýtir undir hárvöxt.

• Blogga um frétt