Fáðu sem mest út úr snyrtivörunum

Varaglossið er ekki bara fyrir varirnar, það má líka nota á kinnbeinin og augnlokin svo dæmi séu nefnd. Sömuleiðis má nýta augnskuggann í ýmislegt annað en bara á augnlokin. Það er um að gera að nota hugmyndaflugið og reyna að fá sem mest út úr snyrtivörunum sem eru nú þegar til í snyrtibuddunni. Hugmyndirnar koma af heimasíðu Daily Mail, þar má finna fleiri hugmyndir.

Varaglossið:

1. Notaðu það sem „highlighter“ fyrir neðan augnabrúnirnar og á kinnbeinin.
2. Notaði það eins og hárgel til að líma niður lítil hár sem standa upp í loftið.
3. Varagloss er hægt að nota til að móta augnabrúnirnar og gefa þeim smá glans.
4. Varagloss lítur vel út á augnlokunum, gefðu augnskugganum smá ljóma og glans með þunni lagi af varaglossi.

Maskarinn:

1. Það er tilvalið að nota brúnan maskara til að móta augnabrúnirnar og gefa þeim smá lit.
2. Það er líka hægt að nota maskarann sem „eyeliner“ ef burstinn býður upp á það.
3. Ef þú ert með mjög dökkt hár er tilvalið að nota maskarann til að þekja eitt og eitt grátt hár.

Augnskugginn:

1. Settu smá ljósan augnskugga á miðjar varirnar yfir varalitinn. Þetta lætur þær líta út fyrir að vera stærri og meira „djúsí“.
2. Ljósan sanseraðan augnskugga er tilvalið að nota á kinnbeinin til að gefa húðinni aukinn ljóma.
3. Ljósbrúnn augnskuggi nýtist í margt, til dæmis má nota hann til að skyggja undir kinnbeinin.
4. Augnskuggi í réttum lit hentar vel til að móta augnabrúnirnar.

Hyljarinn:

1. Blandaðu smá hyljara við varalitinn þinn til að lýsa hann upp.
2. Notaðu hyljarann sem grunn undir augnskuggann, þannig helst hann betur á augnlokinu og liturinn nýtur sín betur.
3. Sömuleiðis má nota hyljara sem grunn undir varalit, það kemur líka í veg fyrir að hann smitist út fyrir varirnar.

Það er fallegt að bera smá glært gloss á kinnbeinin.

• Blogga um frétt