Máttur förðunar er mikill og það sýnir og sannar förðunarfræðingurinn Nikkie í meðfylgjandi myndbandi. Nikkie elskar að mála sig og skammast sín ekkert fyrir það. „Undanfarið hefur mér fundist eins og það sé næstum því glæpur að elska að farða sig,“ segir Nikkie í myndbandinu áður en hún farðar hálft andlit sitt og sýnir áhorfendum hversu mikill máttur förðunarvara er.
Síðan Nikkie birti myndbandið hefur hún komið ákveðinni herferð af stað og nú eru ótal konur farnar að birta myndir af sér á samfélagsmiðlum með hálft andlitið farðað. Þessar myndir má finna undir kassamerkinu #thepowerofmakeup á Instagram.
Með myndbandinu vill Nikkie minna fólk á að hafa gaman af förðun án þess að skammast sín.