YouTube-stjarnan Tanya Burr kennir áhorfendum sínum að nota rauðan augnskugga í sínu nýjasta myndbandi. Já, rauður augnskuggi getur verið klæðilegur og Burr sýnir það og sannar.
Burr notar augnskuggann Cranberry frá MAC í myndbandinu en hann er einn af hennar uppáhaldsaugnskuggum. „Það eru margir sem myndu aldrei velja þennan augnskugga í búðinni,“ segir Burr sem viðurkennir að liturinn geti virkar fráhrindandi við fyrstu sýn.
Burr fékk innblástur frá raunveruleikastjörnunni Khloe Kardashian við gerð myndbandsins en hún hefur gjarnan skartað rauðleitri augnförðun undanfarið.