Myndi aldrei fá sér bótox á meðgöngunni

Andlit raunveruleikastjörnunnar Kim Kardashian hefur verið mikið í umræðunni en hún lítur út fyrir að hafa gengist undir einhverjar fegrunaraðgerðir á undanförnum misserum. Einhverjir netverjar segja augljóst að Kim sé með bótox og fyllingarefni í andlitinu. En Kim, sem er ófrísk að sínu öðru barni, heldur því fram að hún myndi aldrei fá sér fyllingarefni á meðgöngunni.

„Nei, ég fæ mér ekki bótox eða fyllingarefni á meðgöngunni eins og sum slúðurblöð hafa greint frá. Þú þarft að vera verulega brenglaður til að leggja líf ófædds barns þíns í hættu,“ skrifaði Kim sem vill meina að breytingarnar á andliti hennar stafi af bjúg.

„Allir sem hafa verið óléttir eða fitnað vita að andlitið breytist. Nefið á mér stækkar, kinnarnar verða bústnar og varirnar þrútna,“ útskýrði Kim á Instagram.

Hvað er að ger­ast með and­lit Kim?

Andlit Kim þykir hafa breyst mikið undanfarið. Skjáskot af E!.

• Blogga um frétt