Skellti hann sér í strekkingu fyrir helgina?

Sá orðrómur komst á kreik um helgina að leikarinn Ray Liotta hafi nýverið skellt sér í strekkingu en hann þótti eitthvað breyttur á SAG-hátíðinni sem haldin var á laugardaginn.

Notendur Twitter voru óhræddir við að tjá sig um breytinguna á Liotta og einn skrifaði: „Vá, af hverju lítur andlitið á Ray Liotta skringilega út?“

Liotta, sem er orðinn 61 árs, hefur ekki tjáð sig um orðróminn enn sem komið er.

Einhverjir vilja meina að leikarinn Ray Liotta hafi nýverið skellt sér í strekkingu. AFP

Ray Liotta árið 2004, er einhver breyting á honum? Getty Images/AFP

• Blogga um frétt