Lét sprauta bleki í augnhvítuna

Húðflúrarinn Grace Neutral segist vilja að útlit hennar endurspegli hennar innri mann. Þess vegna hefur hún gengist undir ýmsar aðgerðir til að breyta ásjónu sinni, til að mynda hefur hún látið sprauta bláu bleki í augnhvítuna á sér, látið breyta laginu á eyrum sínum, látið fjarlægja naflann auk þess að kljúfa tunguna.

„Fólk vindur sér upp að mér og spyr mig, hvers vegna gerir þú sjálfri þér þetta? Þú ert svo falleg. Hefðbundnir, meginstraums fegurðarstaðlar höfða þó einfaldlega bara ekki til mín,“ játaði Neutral sem segist til dæmis alls ekki vilja líta út eins og Kim Kardashian.

Neutral, sem eitt sinn var nemandi í hinum konunglega ballettskóla, segist vilja láta reyna á þol sitt og sjá hvað hún er fær að takast á við. Hún segist þó ekki hafa áhuga á að láta sprauta bleki í augu sín á ný, enda hafi reynslan tekið sérlega á taugarnar.

Fleiri myndir af Neutral má sjá á vef Daily Mail.