Förðunarbloggarinn Charmie Jane deildi á dögunum afar skemmtilegu ráði með lesendum sínum um það hvernig hægt sé að fá fullkomnar krullur án þess að fjárfesta í krullujárni.
Það er óhætt að segja að Jane sé afar hugmyndarík en til þess að ná hinum fullkomnu krullum notaði Jane uppþvottasvampa, festi þá í hárið og svaf með þá yfir nótt. Útkoman eru náttúrulegar og fallegar krullur.
Til þess að útkoman verði sem best verða svamparnir að vera þurrir. Jane fór síðan yfir það í nokkrum skrefum hvernig svamparnir eru festir í hárið. Hún byrjar á því að rúlla hárinu í kringum svampinn. Því næst pressar hún svampinn saman fyrir miðju og festir hann síðan með teygju.