Það er vel þekkt staðreynd að flestallar þær myndir sem birtast á síðum glanstímarita hafa verið lagfærðar með myndvinnsluforritum. Oft þykja þessar lagfæringar þó ganga úr hófi fram, líkt og nýleg forsíða tímaritsins W Magazine ber vitni um.
Forsíðuna prýða tvær af vinsælustu fyrirsætum dagsins í dag, Kendall Jenner og Gigi Hadid, en báðar þykja þær heldur betur hafa unnið í genalottóinu.
Sá sem lagfærði ljósmyndina fyrir forsíðuna er hugsanlega ekki á sama máli, en fótleggir fyrirsætanna virðast ekki hafa þótt vera boðlegir líkt og fram kemur í frétt Mirror.
Svo virðist vera sem búið sé að afmá hné fyrirsætanna í burtu með myndvinnsluforriti, svo fótleggir þeirra minna helst á útlimi Barbie-dúkku.