Loeb vann Katalóníurallið

Loeb á fullri ferð í rallinu á Spáni um helgina. Reuters

Frakkinn Sébastien Loeb vann Katalóníurallið, sem lauk á Spáni í dag. Loeb, sem þegar hafði tryggt sér heimsmeistaratitil ökumanna, sjöunda árið í röð, var 35,5 sekúndum á undan Norðmanninum Petter Solberg og 41,1 sekúndu á undan Spánverjanum Dani Sordo.

Í næstu sætum voru Finnarnir Jari-Matti Latvala og Mikko Hirvonen og Englendingurinn Matthew Wilson.

Þetta var 61. sigur Loebs og Daniels Elena, aðstoðarökumanns hans, í heimsmeistarakeppni í rallakstri en þeir setja heimsmet með hverjum sigri. Þeir höfðu forustu á Spáni frá fyrstu sérleiðinni á föstudagsmorguninn.