Frakkar berjast um sigurinn í Finnlandi

Sébastien Loeb á fullri ferð. Reuters

Frönsku liðsfélagarnir Sébastien Loeb og Sébastien Ogier virðast ætla að berjast um sigurinn í Finnlandsrallinu sem fer fram í nágrenni Jyväskylä.

Þegar tveimur keppnisdögum er lokið af þremur, hefur Loeb, sem stefnir að sjöunda heimsmeistaratitli sínum í röð, 1,5 sekúndna forskot á Ogier en þeir aka báðir Citroën.

Í þriðja sæti er Finninn Jari-Matti Latvala, 2,6 sekúndum á eftir Loeb. Í næstu sætum eru Norðmennirnir Petter Solberg og Mads Østberg og Finninn Mikko Hirvonen.