Banaslys í Dakar-rallinu

Keppendur í mótorhjólaflokki leggja af stað í Dakar-rallinu í dag. Reuters

Argentínskur mótorhjólamaður lést þegar hann lenti í slysi á fyrsta degi Dakar-rallsins, sem hófst í Argentínu í dag.

Jorge Martínez Boero, sem var að taka þátt í Dakar-rallinu í fyrsta skipti, missti stjórn á hjóli sínu á fyrstu dagleiðinni milli  Mar del Plata og Santa Rosa de la Pampa í dag. Hann lést síðar af sárum sem hann hlaut við fallið.