Fjölnir vann óvæntan sigur í Keflavík

Fjölnismenn fögnuðu enn einum sigrinum í kvöld, þeim fimmta í sumar. mbl.is/hag

Nýliðar Fjölnis unnu í kvöld óvæntan útisigur á toppliði Keflvíkinga, 2:1, í Landsbankadeild karla í knattspyrnu. Keflavík getur þar með misst toppsætið í hendur FH annað kvöld.

Leikurinn í Keflavík var fjörugur og Guðmundur Steinarsson skoraði á 31. mínútu fyrir heimamenn. Gunnar Már Guðmundsson jafnaði á 43. mínútu úr víti, sem hann fékk sjálfur. Ólafur Páll Snorrason kom Fjölni yfir snemma í síðari hálfleik og það reyndist sigurmarkið.

Lið Keflavíkur:  Ómar Jóhannsson, Guðjón Árni Antoníusson, Kenneth Ingemar Gustafsson, Guðmundur Viðar Mete, Magnús Sverrir Þorsteinsson,  Hólmar Örn Rúnarsson, Hallgrímur Jónasson,  Hans Yoo Mathiesen,  Símun Eiler Samuelsen, Guðmundur Steinarsson, Patrik Ted Redo.
Varamenn eru Árni Freyr Ásgeirsson, Einar Orri Einarsson,  Brynjar Guðmundsson, Bessi Víðisson, Magnús Þórir Matthíasson, Þórarinn Brynjar Kristjánsson, Högni Helgason.

Lið Fjölnis: Þórður Ingason , Gunnar Valur Gunnarsson, Pétur Georg Markan, Gunnar Már Guðmundsson, Ágúst Gylfason, Ólafur Páll Snorrason, Ásgeir Aron Ásgeirsson, Tómas Leifsson, Óli Stefán Flóventsson, Kristján Hauksson, Eyþór Atli Einarsson.
Varamenn eru Ómar Hákonarson, Ólafur Páll Johnson, Hrafn Davíðsson, Davíð Þór Rúnarsson, Illugi Þór Gunnarsson, Andri Valur Ívarsson, Kolbeinn Kristinsson.