Arnar Gunnlaugs: Hefðum átt að vinna 3:0
Setja bókamerki
„Þetta var gríðarlega erfitt. Valur er með mjög gott lið og setti á okkur mikla pressu í seinni hálfleik. Við gerðum okkur sjálfum samt óþarflega erfitt fyrir með því að nýta ekki okkar færi. Við áttum að skora meira í fyrri hálfleik og vera yfir allavega með tveimur mörkum. Hefðum átt að vinna þetta 3:0 ef það hefði allt dottið með okkur,“ sagði Arnar Gunnlaugsson annar þjálfara ÍA eftir leik Vals og ÍA fyrr í kvöld. Skagamenn unnu þar sinn fyrsta sigur í Landsbankadeild karla í knattspyrnu síðan í maí. Leiknum lauk, 0:1 og skoraði Arnar sigurmark leiksins.
Mark Arnars var annað sigurmark hans á Vodefonevellinum að Hlíðarenda í sumar. Í fyrra skiptið var Arnar leikmaður FH og skoraði þá fyrir FH úr vítaspyrnu gegn Val á lokamínútu leiksins. „Ég kann vel við mig á þessum velli. Þetta er alls ekkert leiðinlegt og ég fer allavega með góðar minningar héðan frá þessu sumri,“ sagði Arnar Gunnlaugsson. Mark hans í kvöld var hans þriðja frá því hann gekk til liðs við ÍA um mitt sumar.
Nánar verður fjallað um leik Vals og ÍA í Morgunblaðinu á morgun.
29 nautgripir fundust dauðir
Hæstiréttur staðfestir vanhæfi alls Landsréttar
Almannavarnir auka viðbúnað
„Búið að vera í dreifingu í einhvern tíma“
Ný staða uppi og óvissan meiri
Sárt að horfa upp á illa meðferð fjármuna
Gerir ráð fyrir 150 samningum í næstu viku
Segjast hafa skotið niður langdræga sprengjuvél