Stórsigur KR-inga á Þrótti

Baldur Sigurðsson skoraði tvö mörk fyrir KR í kvöld. mbl.is/Eggert

KR vann stórsigur á Þrótti, 6:1, í Reykjavíkurmótinu í meistaraflokki karla í knattspyrnu í kvöld en leikurinn fór fram í Egilshöllinni. KR hefur þá fengið sjö stig úr þremur leikjum og er langt komið með að tryggja sér sæti í undanúrslitum.

Þróttarar náðu forystunni strax á 9. mínútu með marki Andrésar Vilhjálmssonar en KR komst í 2:1 fyrir hlé og bætti við fjórum mörkum í síðari hálfleik. Baldur Sigurðsson og hinn 16 ára gamli Ingólfur Sigurðsson gerðu tvö mörk hvor og þeir Dofri Snorrason og Gunnar Kristjánsson  gerðu sitt markið hvor.