Pape kom Fylki í undanúrslitin

Pape Mamadou Faye skoraði sigurmarkið. mbl.is/Eggert

Fylkir varð í kvöld þriðja liðið til að tryggja sér sæti í undanúrslitum Reykjavíkurmóts karla í knattspyrnu með því að sigra Fjölni, 1:0, í síðasta leik B-riðils í Egilshöllinni.

Fylkir og Fram urðu þar með jöfn og efst í riðlinum, bæði að stigum og markatölu, og væntanlega þarf að varpa hlutkesti um hvort þeirra telst sigurvegari í riðlinum og mætir því liði sem verður númer tvö í A-riðlinum.

Lokastaðan í B-riðli.

Það var Pape Mamadou Faye sem skoraði sigurmark Fylkis, 1:0, aðeins þremur mínútum fyrir leikslok.

KR, Fram og Fylkir eru komin í undanúrslitin og fjórða liðið verður Víkingur eða Þróttur sem mætast á fimmtudaginn.