Íþróttir
|
Pepsi-deildin
| mbl
| 17.3.2010
| 20:13
Gunnar og Guðmundur í landsliðið
Gunnar Örn Jónsson er í landsliðshópnum í fyrsta skipti. mbl.is/Eggert
KR-ingarnir Gunnar Örn Jónsson og Guðmundur Reynir Gunnarsson voru í dag valdir í landsliðið í knattspyrnu sem mætir Færeyjum og Mexíkó í vináttulandsleikjum á sunnudag og miðvikudag.
Þeir koma í staðinn fyrir Kristin Jónsson úr Breiðabliki og Heimi Einarsson úr ÍA sem þurftu að draga sig útúr landsliðshópnum vegna meiðsla.
Gunnar Örn er nýliði og hefur aldrei leikið með A- eða 21-árs landsliði Íslands. Guðmundur Reynir, sem er í láni hjá KR frá GAIS í Svíþjóð, hefur leikið tvo landsleiki, báða gegn Færeyjum í Kórnum, tvö undanfarin ár.
© Árvakur hf.
Öll réttindi áskilin
