Efstir í fyrsta sinn í 28 ár

Leikmenn Breiðabliks fagna í leikslok á Selfossi í gærkvöld. mbl.is/Guðmundur Karl

Breiðablik er komið í toppsæti efstu deildar karla í fótbolta í fyrsta skipti í 28 ár eftir sigur á Selfyssingum, 3:1, í gærkvöld. Kópavogsliðið var efst í deildinni eftir sigur á ÍBV, 2:1, í 5. umferð deildarinnar sumarið 1982, þegar Sigurður Grétarsson skoraði úr tveimur vítaspyrnum, en hefur frá þeim tíma ekki verið efst að umferð lokinni. Þó voru Blikar efstir í sólarhring áður en 2. umferð lauk árið 2006.

Breiðablik er með 20 stig eins og ÍBV en er með betri markatölu en Eyjamenn, og Keflavík er síðan einu stigi á eftir.

Sjá nánar ítarlega umfjöllun um leiki gærkvöldsins í íþróttablaði Morgunblaðsins í dag.