Hjörtur: Reikna ekki með að spila með ÍA í úrvalsdeildinni

Hjörtur Hjartarson lætur hér skot ríða af í leiknum gegn ÍR í gær. mbl.is7Eggert Jóhannesson

Hjörtur, sem verður 37 ára gamall í haust, er í feikilega góðu formi en hann efast um að hann spili áfram með ÍA eftir að þessu tímabili lýkur.

„Ég reikna ekki með að spila með Skaganum í úrvalsdeild á næsta ári en hef ekki tekið endanlega ákvörðun um það ennþá. Það kemur einhver stórkostleg yfirlýsing í haust,“ sagði Hjörtur léttur í gærkvöldi.

Hjörtur býr yfir mikilli reynslu úr úrvalsdeildinni en þar hefur hann skorað 47 mörk í 140 leikjum fyrir Þrótt R., ÍA og Skallagrím. Hann varð markakóngur þegar ÍA varð meistari 2001.