Ólafur Örn hættur sem þjálfari Grindavíkur

Ólafur Örn Bjarnason.
Ólafur Örn Bjarnason. mbl.is

Ólafur Örn Bjarnason hefur ákveðið að stíga til hliðar sem þjálfari úrvalsdeildarliðs Grindavíkur í knattspyrnu en hann mun leika áfram með liðinu. Þetta kemur fram á vef Grindvíkinga í dag.

Ólafur tók við þjálfun Grindavíkurliðsins fyrir tímabilið og samhliða þjálfuninni lék hann með liðinu. Fram kemur á vef Grindvíkinga að Ólafur vilji einbeita sér að því að spila með liðinu á næstu leiktíð en hefur fullan hug á því að halda áfram þjálfun í framtíðinni.

Stjórn knattspyrnudeildar Grindavíkur virðir ákvörðun Ólafs Arnar og fagnar því að hann vilji halda áfram sem leikmaður félagsins. Leit að nýjum þjálfara liðsins er þegar hafin.

mbl.is

Bloggað um fréttina