Guðjón byrjaði á sigri gegn ÍBV

Guðjón Þórðarson mbl.is/Eggert

Grindvíkingar fögnuðu sigri í fyrsta mótsleiknum undir stjórn Guðjóns Þórðarsonar því þeir lögðu Eyjamenn að velli, 2:1, í Kórnum í dag, í lokaleik dagsins í Fótbolta.net mótinu, sem er nokkurskonar Faxaflóamót meistaraflokks karla.

Tryggvi Guðmundsson kom Eyjamönnum yfir snemma leiks en Pape Mamadou Faye og Paul McShane svöruðu fyrir Grindavík í seinni hálfleiknum. Undir lokin gat Pape bætt við marki en hann skaut í stöng úr vítaspyrnu.

Fyrri úrslit í mótinu í dag:
ÍA - FH 4:1
Keflavík - Breiðablik 1:2
Stjarnan - Selfoss 2:2

Sjá nánar um leikina.