Mawejje farinn frá Eyjamönnum

Denis Sytnik og Tonny Mawejje fagna marki. mbl.is/Sigfús Gunnar

Úgandamaðurinn Tonny Mawejje leikur ekki áfram með Eyjamönnum í Pepsi-deildinni í knattspyrnu en suður-afríska liðið Golden Arrows hefur fengið miðjumanninn sterka lánaðan frá ÍBV og hefur kauprétt á honum.

Mawejje hefur leikið stórt hlutverk með ÍBV undanfarin þrjú ár og hans verður því sárt saknað með Eyjamönnum sem enduðu í þriðja sæti í Pepsi-deildinni á síðustu leiktíð. Mawejje, sem hefur leikið á fjórða tug landsleikja fyrir Úganda, spilaði 64 leiki með ÍBV í efstu deild og skoraði í þeim 5 mörk.