Valur og KR sigruðu (myndskeið)

Kristín Ýr Bjarnadóttir skoraði tvívegis fyrir Val. mbl.is/Sigurgeir S.

Valur sigraði Fjölni, 5:0, og KR vann Þrótt R., 2:0, á Reykjavíkurmóti kvenna í knattspyrnu í dag en báðir leikirnir fóru fram í Egilshöllinni.

Valur, Fylkir, KR og Fjölnir eru með 3 stig hvert í mótinu en Þróttur er án stiga.

Elín Metta Jensen skoraði þrjú marka Vals og Kristín Bjarnadóttir tvö en Valur var 1:0 yfir í hálfleik gegn Fjölni.

Anna Garðarsdóttir og Freyja Viðarsdóttir skoruðu fyrir KR gegn Þrótti.

Leikirnir voru sýndir beint á SportTV og þar má jafnframt sjá mörkin úr leikjunum á meðfylgjandi slóðum:

Mörkin úr Valur - Fjölnir.

Mörkin úr Þróttur - KR.