Dani til reynslu hjá Stjörnunni

Bjarni Jóhannsson þjálfari Stjörnunnar. mbl.is/Eggert

Danskur knattspyrnumaður, Kennie Chopart, er til reynslu hjá úrvalsdeildarliði Stjörnunnar þessa dagana og lék með liðinu í gærkvöld þegar það sigraði Grindavík, 3:1.

Chopart er 21 árs gamall sóknarmaður frá Esbjerg og hefur leikið með varaliði félagsins. Bjarni Jóhannsson þjálfari Stjörnunnar sagði í viðtali við Fótbolta.net að hann hefði reynt að fá Chopart til félagsins í fyrra en það hefði því miður ekki  gengið upp. Hann væri fljótur og sterkur og fínn á boltann, eins og Bjarni orðaði það.