Tveir Danir til reynslu hjá ÍBV

Eyjamenn skoða tvo Dani á næstu dögum. mbl.is/Sigfús Gunnar

Tveir danskir knattspyrnumenn verða til reynslu hjá ÍBV um helgina, markvörðurinn Kenneth Stenild Nielsen og framherjinn Christian Olsen. Þeir leika væntanlega með ÍBV á morgun þegar liðið mætir ÍA í Akraneshöllinni í leik um 5. sætið á Fótbolta.net mótinu. Frá þessu er greint á vef Eyjafrétta.

Olsen er 29 ára gamall og hefur leikið með Skive í dönsku B-deildinni og áður með úrvalsdeildarliðunum Viborg og Midtjylland.

Nielsen er 25 ára gamall og hefur verið í röðum úrvalsdeildarliðsins Horsens frá 2009, sem varamarkvörður. Hann lék áður með AaB og yngri landsliðum Danmerkur.