Rakel byrjar vel með Blikum

Rakel Hönnudóttir mbl.is/Kristinn

Rakel Hönnudóttir, landsliðskona í knattspyrnu, byrjaði  vel í fyrsta mótsleik sínum með Breiðabliki því hún skoraði bæði mörk Kópavogsliðsins þegar það vann FH, 2:0, í Fífunni í dag, í sínum fyrsta leik í Faxaflóamótinu.

Rakel kom til liðs við Breiðablik frá Þór/KA í vetur og hún gerði bæði mörkin í seinni hálfleiknum.

Stjarnan er með sex stig eftir tvo leiki í mótinu, FH sex stig eftir þrjá leiki, Breiðablik þrjú stig eftir einn leik, en ÍBV og Afturelding eru bæði án stiga eftir tvo leiki.