Fylkir skoraði sex mörk (myndskeið)

Anna Björg Björnsdóttir er helsti markaskorari Fylkis. mbl.is/Eggert

Fylkir vann öruggan sigur á Þrótti R., 6:1, í Reykjavíkurmóti kvenna í knattspyrnu í Egilshöllinni í kvöld og þar með blasir við úrslitaleikur Vals og Fylkis um Reykjavíkurmeistaratitilinn næsta föstudagskvöld.

Fylkir og  Valur eru nú með 6 stig hvort eftir tvo leiki og ljóst að önnur lið eiga ekki sigurmöguleika í mótinu. Auk innbyrðis leiksins eiga Valskonur eftir að mæta Þrótti og Fylkir á eftir að mæta Fjölni.

Leikur Fylkis og Þróttar var sýndur beint á SportTV og á heimasíðu stöðvarinnar má nú sjá mörkin sjö sem voru skoruð:

Mörkin úr Fylkir - Þróttur.