Valur fór létt með KR (myndskeið)

Elín Metta Jensen skorar grimmt fyrir Val. mbl.is/Árni Sæberg

Valur vann auðveldan sigur á KR, 5:0, í kvöld þegar liðin mættust í Reykjavíkurmóti kvenna í knattspyrnu í Egilshöllinni.

Elín Metta Jensen skoraði þrjú markanna, eitt úr vítaspyrnu sem hún krækti í sjálf. Rakel Logadóttir fyrirliði skoraði hin tvö og lagði auk þess eitt upp fyrir Elínu.

Elín Metta, sem er 16 ára gömul, hefur skorað sex af tíu mörkum Vals í þremur fyrstu leikjum mótsins.

Valskonur hafa þar með unnið alla þrjá leiki sína og ljóst er að þær heyja einvígi við Fylki um Reykjavíkurmeistaratitilinn.

SportTV sýndi leikinn beint og á heimasíðunni þar má sjá mörkin úr leiknum. Þau eru á meðfylgjandi slóð:

Mörkin úr Valur - KR.