Selfosskonur styrkjast enn

Selfosskonur leika í efstu deild í fyrsta skipti í sumar. www.sunnlenska.is

Kvennalið Selfoss í knattspyrnu, sem leikur í úrvalsdeildinni í fyrsta skipti á komandi keppnistímabili, heldur áfram að ná sér í liðsauka erlendis frá. Frá þessu er greint á fréttavef Sunnlenska.

Selfyssingar hafa krækt í þriðja erlenda leikmanninn með stuttu millibili en það er bandarískur tengiliður, Melanie Adelman. Hún er 23 ára gömul og kemur frá háskólanum í Houston.

Áður höfðu Selfyssingar samið við tvo bandaríska leikmenn, markvörðinn Nicole McClure og tengiliðinn Valorie O'Brien.