Mist í markið hjá Breiðabliki

Breiðablik hefur borist liðsstyrkur fyrir átökin í Pepsi-deild kvenna í knattspyrnu í sumar. hag / Haraldur Guðjónsson

Mist Elíasdóttir hefur gengið frá samningi við Breiðablik um að spila með liðinu á næstu leiktíð í Pepsi-deild kvenna í knattspyrnu. Mist er markvörður og hefur síðan 2009 stundað nám í Bandaríkjunum og spilað þar með Florida Institute of Technology eða FIT Panther, eins og fram kemur í tilkynningu frá Breiðabliki.

Mist er 24 ára og spilaði með yfir 40 leiki í efstu deild með FH, Keflavík og ÍR áður en hún hélt út í nám. Þá á hún að baki leiki með U-17 og U-19 ára landsliðum Íslands.