Bandarískur markvörður í Þór/KA

Þór/KA fær bandarískan markvörð. mbl.is/Skapti Hallgrímsson

Kvennalið Þórs/KA í knattspyrnu fær til sín bandaríska markvörðinn Chantel Nicole Jones fyrir komandi keppnistímabil en hún er væntanleg til Akureyrar í apríl, samkvæmt heimasíðu Þórs.

Jones er 23 ára gömul og hefur leikið með liði Virginíu-háskóla undanfarin ár og m.a. sett ýmis met í að halda marki sínu hreinu. Þá hefur hún verið í landsliðshópum Bandaríkjanna í öllum yngri aldursflokkum, síðast í U23 ára liðinu, og var í hópi bandaríska liðsins sem varð heimsmeistari U20 ára fyrir fjórum árum.